Хабарлар

Болаларни боғчаларга қамрови ошириш ҳоким эътиборида.

28-05-2020 10:24   15

Жомбой туман ҳокими Қ. Собиров туманда ташкил этилган уй боғчалар ҳақида гапириб ўтди. Туман хокими болаларни боғчаларга қамровини оширишда уй боғчаларни кўпайтириш лозимлигини ва шу орқали хотин қизлар бандлигини таъминлашини таъкидлаб ўтди. Бу борада тадбиркорлик қилмоқчи бўлган хотин қизларимизга уй боғча учун зарур бўлган жихозларни сотиб олишда имтиёзли кредитлар ажратилишини таъкидлаб ўтди.

Мактабгача таълим вазирлиги MTRK билан ҳамкорликда болажонларимизни карантин давридаги вақтларини унумли ўтказишга кўмак бериш учун "онлайн боғча" — мактабгача таълим машғулотлар теле-лойиҳасини тақдим этади.

04-05-2020 13:53   40

Мазкур лойиҳа Мактабгача таълим тизимининг «ИЛК ҚАДАМ» давлат таълим стандарти асосида ишлаб чиқилган бўлиб, 3 ёшдан 6 ёшгача бўлган болажонларимиз учун мўлжалланган. Унга кўра энди ота оналаримиз боғча машғулотларини ўз фарзандлари билан уйда «ИЛК ҚАДАМ» ва «АҚЛВОЙ» номли машғулотларини экран қаршисида бажаришлари мумкин бўлади.

Секторларда йиғилишлар ташкил этилди.

19-02-2020 17:25   95

Вилоят ҳокимининг 2020 йил 11 февралдаги йиғилишида берилган топшириқлар ижросини таъминлаш юзасидан Жомбой туман мактабгача таълим ташкилотлари раҳбарларига, 4 сектор вакиллари ҳамда ҳамкор ташкилотлар иштирокида йиғилишлар ташкил этилди. Ушбу йиғилишларда тизимдаги мавжуд камчиликларни бартараф этиш юзасидан истиқболдаги режалар белгилаб олинди ва аниқланган камчиликлар бўйича чора тадбирлар режаси ишлаб чиқилди.

14-феврал Шоҳ ва Шоир Заҳириддин Муҳаммад Бобур таваллуд топган кун.

14-02-2020 12:27   90

Заҳириддин Муҳаммад Бобур (1483—1530) Улуғ ўзбек шоири,мутафаккир, тарихчи ва давлат арбоби; марказлашган давлат ва бобурийлар салтанати асосчисидир.
Ушбу сана муносабати билан туман мактабгача таълим ташкилотларида "Бобурхонлик" тадбирлари ташкил этилди

Мактабгача Таълим ташкилотларида "Буюк зотга чексиз эхтиром" мавзусида адабий кечалар ташкил этилди.

09-02-2020 13:04   111

Президентимиз Шавкат Мирзиёев ташаббуси билан юртимизда китобхонлик маданияти муҳим воқеликка айланиб бораётгани сир эмас. Юртбошимиз ўз нутқларида Мир Алишер Навоий бобомизнинг тенгсиз маънавий мероси бугунги ёшлар ва келажак авлодлар учун ҳам ҳаёт мактаби бўлишини алоҳида таъкидлаб келмоқдалар.
Улуғ аждодимиз, сўз мулкининг султони Мир Алишер Навоий таваллудининг 579 йиллиги муносабати билан туманимиздаги мактабгача таълим ташкилотларида болажонларимиз иштирокида тадбирлар ташкил этилди.Тадбирларга ота-оналар ва маҳалла фаоллари ҳам таклиф этилди.

Мактабгача таълим вазирлиги тасарруфидаги 8187 та мактабгача таълим ташкилотлари 2020-2025 йилларда янгича тартибда аттестациядан ўтказилади.

07-02-2020 12:31   93

Маълумки, Мактабгача таълим ташкилотларида сифатли таълим-тарбия беришнинг асосий омилларидан бири сифатида тарбияланувчилар сифатли билим олишлари учун етарлича шарт-шароитлар яратиш муҳим аҳамиятга эга. Вилоятимиздаги мавжуд 714 та МТТлар хам 5 йил давомида режа асосида аттестациядан ўтказилади.

Ширинкентда болалар мактабгача таълимга тўлиқ қамраб олинди.

06-02-2020 11:17   123

Президентимизнинг парламентга йўллаган бу йилги мурожаатномасида таълим тизими, айниқса, мактабгача ёшдаги болаларни тарбия билан қамраб олиш масаласига алоҳида эътибор қаратилди. 
Туманимизда ҳам мактабгача таълим ташкилотлари сони ва сифатини яхшилаш борасида амалий ишлар изчил давом этяпти. Яқинда Тут маҳалласида 17-ДМТТ фойдаланишга топширилгани ҳақида хабар қилгандик. Бугун ширинкентликлар ана шундай қувончли воқеага гувоҳ бўлишди.
Янгитдан ишга тушган 19-мактабгача таълим ташкилоти қисқа фурсатда реконструкциядан чиқарилганини эътироф этса арзийди. 150 ўринга мўлжалланган бино 6 та машғулот, 6 та ётоқ, қисқа муддатли гуруҳ хоналари, шунингдек мусиқа ҳамда овқатланиш залини ўз ичига олган.

Навбатдаги вилоят семинари туманимизда ташкил этилди.

04-02-2020 15:37   107

2020 йил 04 феврал куни Жомбой туман мактабгача таълим бўлими тасарруфидаги 9-МТТ мажлислар залида вилоят мактабгача таълим бошқармаси бошлиғининг 2020 йил 16 январдаги 4-сонли буйруғининг ижросини таъминлаш мақсадида мактабгача таълим бошқармаси ва унинг тасарруфидаги Давлат ва нодавлат мактабгача таълим ташкилотлари фаолиятини ҳамда ўқитишнинг муқобил шаклларини ташкил этиш бўлими масъул ходимлари иштирокида ўқув-амалий семинар бўлиб ўтди.

Жорий йилнинг 1 январ ҳолатига кўра вилоятдаги боғчалар сони 2027 тага етди.

31-01-2020 13:46   116

Жами мактабгача
таълим муассасалари сони: 2027 та

шундан:
Оилавий нодавлат МТТлар сони: 1252 та ёки 61,8%
Давлат МТТлари сони: 656 та ёки 32,4 %
Хусусий МТМлар сони: 68 та ёки 3,4 %
Давлат-хусусий шерикчиликдаги МТМлар сони: 50 та ёки 25 %
Ташкилотга қарашли МТМлар сони: 1 та ёки О.04 %

Бугун, 30 январь куни, Ўзбекистон Республикасининг Биринчи Президенти Ислом Каримов таваллуд топган сана.

30-01-2020 13:05   93

Жомбой туман Мактабгача таълим бўлими тасарруфидаги мактабгача таълим ташкилотларида Ўзбекистон Республикасининг биринчи Президенти Ислом Абдуғаниевич Каримовнинг ёрқин хотирасига бағишлаб "Қалбимиздасиз бобожон" номли тадбирлар ташкил этилди. Тадбирда болажонлар ўзларининг ёд олган шеърлари ва куй-қўшиқлари билан бобомизни хотирладилар.

 1 2 3 >  Last ›