Xabarlar

Bolalarni bog‘chalarga qamrovi oshirish hokim e'tiborida.

28-05-2020 10:24   8

Jomboy tuman hokimi Q. Sobirov tumanda tashkil etilgan uy bog‘chalar haqida gapirib o‘tdi. Tuman xokimi bolalarni bog‘chalarga qamrovini oshirishda uy bog‘chalarni ko‘paytirish lozimligini va shu orqali xotin qizlar bandligini ta'minlashini ta'kidlab o‘tdi. Bu borada tadbirkorlik qilmoqchi bo‘lgan xotin qizlarimizga uy bog‘cha uchun zarur bo‘lgan jixozlarni sotib olishda imtiyozli kreditlar ajratilishini ta'kidlab o‘tdi.

Maktabgacha ta'lim vazirligi MTRK bilan hamkorlikda bolajonlarimizni karantin davridagi vaqtlarini unumli o‘tkazishga ko‘mak berish uchun "onlayn bog‘cha" — maktabgacha ta'lim mashg‘ulotlar tele-loyihasini taqdim etadi.

04-05-2020 13:53   33

   Mazkur loyiha Maktabgacha ta'lim tizimining «ILK QADAM» davlat ta'lim standarti asosida ishlab chiqilgan bo‘lib, 3 yoshdan 6 yoshgacha bo‘lgan bolajonlarimiz uchun mo‘ljallangan. Unga ko‘ra endi ota onalarimiz bog‘cha mashg‘ulotlarini o‘z farzandlari bilan uyda «ILK QADAM» va «AQLVOY» nomli mashg‘ulotlarini ekran qarshisida bajarishlari mumkin bo‘ladi.

   Endi 1-sinfga tayyorgarlik ko‘rayotgan bolajonlar ijodkorlarimiz tomonidan davlat dasturi asosida tayyorlagan «Aqlvoy» nomli maktabga tayyorlov mashg‘ulotlarini uyda bajarish imkoniga ega bo‘ladilar.

Shuningdek, «Ilk qadam» dasturi doirasida 3-6 yoshlik bolajonlar «Bardam bolajon», «Mental arifmetika», «Mohir qo‘llar», «Lucking English», «Bolalar oshxonasi», «Mening diyorim», «Ravon nutq» kabi mashg‘ulotlarining jajji ishtrokchisiga aylanishlari mumkin.

  «Ilk qadam» maktabgacha ta'lim mashg‘ulotlar dasturi endi 1 apreldan boshlab har kuni dushanbadan jumagacha soat 8:00 dan 12:00 ga qadar, 6 yoshli bolalar uchun mo‘ljallangan «Aqlvoy» mashgg‘ulotlari esa har kuni soat 11:00 va 15:00 da o‘zbek va rus tilida «Bolajon» telekanali orqali efirga uzatiladi.

  Onlayn mashg‘ulotlarning vaqti bilan «Bolajon» telekanali haftalik dasturlar jadvali orqali tanishish mumkin.

Sektorlarda yig‘ilishlar tashkil etildi.

19-02-2020 17:25   77

Viloyat hokimining 2020 yil 11 fevraldagi yig‘ilishida berilgan topshiriqlar ijrosini ta'minlash yuzasidan Jomboy tuman maktabgacha ta'lim tashkilotlari rahbarlariga, 4 sektor vakillari hamda hamkor tashkilotlar ishtirokida yig‘ilishlar tashkil etildi. Ushbu yig‘ilishlarda tizimdagi mavjud kamchiliklarni bartaraf etish yuzasidan istiqboldagi rejalar belgilab olindi va aniqlangan kamchiliklar bo‘yicha chora tadbirlar rejasi ishlab chiqildi.

14-fevral Shoh va Shoir Zahiriddin Muhammad Bobur tavallud topgan kun.

14-02-2020 12:27   83

Zahiriddin Muhammad Bobur (1483—1530) Ulug‘ o‘zbek shoiri,mutafakkir, tarixchi va davlat arbobi; markazlashgan davlat va boburiylar saltanati asoschisidir.
Ushbu sana munosabati bilan tuman maktabgacha ta'lim tashkilotlarida "Boburxonlik" tadbirlari tashkil etildi

Maktabgacha Ta'lim tashkilotlarida "Buyuk zotga cheksiz extirom" mavzusida adabiy kechalar tashkil etildi.

09-02-2020 13:04   69

Prezidentimiz Shavkat Mirziyoev tashabbusi bilan yurtimizda kitobxonlik madaniyati muhim voqelikka aylanib borayotgani sir emas. Yurtboshimiz o‘z nutqlarida Mir Alisher Navoiy bobomizning tengsiz ma'naviy merosi bugungi yoshlar va kelajak avlodlar uchun ham hayot maktabi bo‘lishini alohida ta'kidlab kelmoqdalar.
Ulug‘ ajdodimiz, so‘z mulkining sultoni Mir Alisher Navoiy tavalludining 579 yilligi munosabati bilan tumanimizdagi maktabgacha ta'lim tashkilotlarida bolajonlarimiz ishtirokida tadbirlar tashkil etildi.Tadbirlarga ota-onalar va mahalla faollari ham taklif etildi.

Maktabgacha ta'lim vazirligi tasarrufidagi 8187 ta maktabgacha ta'lim tashkilotlari 2020-2025 yillarda yangicha tartibda attestatsiyadan o‘tkaziladi.

07-02-2020 12:31   93

Ma'lumki, Maktabgacha ta'lim tashkilotlarida sifatli ta'lim-tarbiya berishning asosiy omillaridan biri sifatida tarbiyalanuvchilar sifatli bilim olishlari uchun yetarlicha shart-sharoitlar yaratish muhim ahamiyatga ega. Viloyatimizdagi mavjud 714 ta MTTlar xam 5 yil davomida reja asosida attestatsiyadan o‘tkaziladi.

Shirinkentda bolalar maktabgacha ta'limga to‘liq qamrab olindi.

06-02-2020 11:17   78

Prezidentimizning parlamentga yo‘llagan bu yilgi murojaatnomasida ta'lim tizimi, ayniqsa, maktabgacha yoshdagi bolalarni tarbiya bilan qamrab olish masalasiga alohida e'tibor qaratildi. 
Tumanimizda ham maktabgacha ta'lim tashkilotlari soni va sifatini yaxshilash borasida amaliy ishlar izchil davom etyapti. Yaqinda Tut mahallasida 17-DMTT foydalanishga topshirilgani haqida xabar qilgandik. Bugun shirinkentliklar ana shunday quvonchli voqeaga guvoh bo‘lishdi.
Yangitdan ishga tushgan 19-maktabgacha ta'lim tashkiloti qisqa fursatda rekonstruksiyadan chiqarilganini e'tirof etsa arziydi. 150 o‘ringa mo‘ljallangan bino 6 ta mashg‘ulot, 6 ta yotoq, qisqa muddatli guruh xonalari, shuningdek musiqa hamda ovqatlanish zalini o‘z ichiga olgan.

Navbatdagi viloyat seminari tumanimizda tashkil etildi.

04-02-2020 15:37   91

2020 yil 04 fevral kuni Jomboy tuman maktabgacha ta'lim bo‘limi tasarrufidagi 9-MTT majlislar zalida viloyat maktabgacha ta'lim boshqarmasi boshlig‘ining 2020 yil 16 yanvardagi 4-sonli buyrug‘ining ijrosini ta'minlash maqsadida maktabgacha ta'lim boshqarmasi va uning tasarrufidagi Davlat va nodavlat maktabgacha ta'lim tashkilotlari faoliyatini hamda o‘qitishning muqobil shakllarini tashkil etish bo‘limi mas'ul xodimlari ishtirokida o‘quv-amaliy seminar bo‘lib o‘tdi.

Joriy yilning 1 yanvar holatiga ko‘ra viloyatdagi bog‘chalar soni 2027 taga yetdi.

31-01-2020 13:46   74

Jami maktabgacha
ta'lim muassasalari soni: 2027 ta

shundan:
Oilaviy nodavlat MTTlar soni: 1252 ta yoki 61,8%
Davlat MTTlari soni: 656 ta yoki 32,4 %
Xususiy MTMlar soni: 68 ta yoki 3,4 %
Davlat-xususiy sherikchilikdagi MTMlar soni: 50 ta yoki 25 %
Tashkilotga qarashli MTMlar soni: 1 ta yoki O.04 %

Bugun, 30 yanvar kuni, O‘zbekiston Respublikasining Birinchi Prezidenti Islom Karimov tavallud topgan sana.

30-01-2020 13:05   78

Jomboy tuman Maktabgacha ta'lim bo‘limi tasarrufidagi maktabgacha ta'lim tashkilotlarida O‘zbekiston Respublikasining birinchi Prezidenti Islom Abdug‘aniyevich Karimovning yorqin xotirasiga bag‘ishlab "Qalbimizdasiz bobojon" nomli tadbirlar tashkil etildi. Tadbirda bolajonlar o‘zlarining yod olgan she'rlari va kuy-qo‘shiqlari bilan bobomizni xotirladilar.

 1 2 3 >  Last ›